-->
عن اللحمة الباردة وجمالها ع السفرة 
وشياكتها فى العزومات 
وطعامتها مع اللمة ف رمضان

طريقة التحضير

عرق تريبيانكو من الجزار ويبقى كتر خيره لو ربطه أو ممكن نربطه بدوبارة زى كدا
↓↓↓↓

هانعمل فيه فتحات بالسكينة بين لفات الخيط وهانحط فى كل فتحة حباية فلفل أسمر وفص توم
(الفلفل الأسمر إختيارى)

نتبله بملح وفلفل أسمر والسبع بهارات ( أو توابل لحمة )


نتبله بذمه
 ↓↓↓↓↓↓↓↓↓


هاتسيبيه فى التتبيلة ساعة لساعتين
وبعيدن نجيب صينية ونحط فيها ملعقة زبدة مع ملعقة زيت ولما تسخن ننزل بالعرق ونديله صدمة من جميع الجهات علشان يبقى طرى وماينزلش ميته


نجهز خضار مشكل زى البصل والكوسة والبطاطس
الخضار اللى تلاقيه حطيه 😂😂😂😂
مع فلفل أسمر وورقتين لورى ونص كوب ماء ساخن
ملحووووظة
إنزلى بالخضار بترتيب سواه


نغطى الصينية بفويل وندخلها فرن ساخن


نسيبها على نار متوسطة لمدة ساعة ونص وبعدين نختبر سواها عن طريق غزها بالسكينة 
لو طلعت سائل نديها ربعاية كمان 
ماطلعتش يبقى كفاية عليها كدا

ملحوظة كمان
خلى معاكى ماء ساخن لو الخضار نشف هاتزوديه حبة حبة كدا على ماللحمة تستوى

ومعاكوا شوية خضار عجب

هاناخد العرق نغلفه باستريتش ونسيبه فى الثلاجة لتانى يوم



نقطعه شرائح حسب السمك المطلوب



وادعولى
مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : لحوم

  1. اوعا بقه تسلم ايدك ياسمسم

    ردحذف
  2. ما شاء الله تسلم ايدك يا جميل

    ردحذف
    الردود
    1. تسلمى يارب كلك ذوق ياقمر 😍😍❤️

      حذف
  3. تسلم ايدك يا سمسمه
    بس هو فيه حد مضموون هنا في البلد بيبيع عرق التروبيانكوا

    ردحذف
    الردود
    1. حبيبتى تسلميلي يارب ❤️ ❤️
      بصى فى واحد إسمه مجدى خطاب جنب الرفاعى بتاع التليفونات لحمته حلوه وصغيرة

      حذف