-->

المرة دى هانعمل تشكيلة معجنات تنفع فى  الفطار والعشا
والحشو بيكون حلو أو حادق على حسب الطلب

المقادير


7 أكواب دقيق
 كوب ونصف حليب دافئ
 كوب زبادى أو لبن رايب
2 ملعقة كبيرة خميرة فورية
ملعقة صغير بيكينج باودر
3 ملعقة كبيرة سكر
نصف كوب زيت
2 بياض بيضة
ملعقة صغيرة ملح طعام

الطريقة

نضع كل المكونات الجافة ونخلطها جيدا ثم نضيف بياض البيض مع التقليب المستمر 
ثم نضيف الزيت والزبادى واللبن ونخلطها كويس
ثم نضيف العجينة اليابانية ونستمر فى العجن

بعد كدا نفرد العجينة ع الرخامة نفرد ونلم ونعجن لمدة ربع ساعة
كل مانديها حقها فى العجن ناخد نتيجة أفضل

ننقل العجينة فى طبق مدهون زيت ونغلفها بالزيت ونغطيها ونسيبها تخمر لمدة ساعة




علشان تخمر كدا ويبقى شكلها يفرح
👇👇👇👇👇👇👇👇👇




هنا أنا قطعت العجينة 4 أجزاء وكل جزء قطعته كرات صغيرة





فردنا العجينة بشكل مربع وعملنا فتحات بالسكينة بالشكل دا



وبعدين هانضيف الحشو سواء جبنة بأنواعها أو شيكولاتات أو مربى
ونلفها وبعدين نحطها على صينية مدهونة زيت أو متبطنة بورق الزبدة




الصورة الجاية بعد مارصيتها فى الصاج وسيبتها خمرت ربع ساعة وبعدين دهنت الوش صفار بيض مخفف بالخل
وممكن نرش على الوش سمسم أو حبة البركة




ودخليها الفرن مسبق التسخين ع الرف اللى تحت على درجة حرارة 180 لحد ماأرضيتها تاخد اللون الدهبى نهدى النار ونشغل الشواية واتفرجى على جمال لونها
ولما تخرج من الفرن نغطيها بفوطة ربع ساعة علشان تفضل طرية وكلها حنية😃😃😃😃😃





شكلتها جبنة بفلفل وجبنة بزعتر وشيكولاتة 
وجزء سادة لعمل سندويتشات البرجر

تقدرى تشوفى طريقة البرجر من خلال اللينك دا


عجينة قطنية بتتكلم والله



مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : معجنات

  1. حلوووه اوووي تسلم اديكي يااسمسم😍

    ردحذف
    الردود
    1. حبيبتى تسلميلي يارب كلك ذوق ياعسلية 😍😍❤️

      حذف
  2. الفتحات اللى بنعملها اعملها فى العجينه كلها ولا نصها زى الصوره

    ردحذف
    الردود
    1. نصها زى الصورة
      نصها التانى سليم علشان نحط الحشو فيها

      حذف