-->

سندويتشات البرجر البيتى اللذيذة



طريقة عمل البرجر فى البيت


مقادير البرجر

كيلو لحمة مفروم أحمر+ ربع كيلو دهن
نصف كوب بقسماط مطحون
5 فص توم
2 بصلة متوسطة الحجم
2 بياض بيضة
ملح,جوزة الطيب,قرفة,فلفل أسمر ( ملعقة صغيرة من كل صنف) وممكن نستبدل التوابل دى بكيس خلطة برجر

الطريقة

نفرم التوم والبصل جيدا وناخد لحم البصل بس لان مية البصل بتخليه يفك
نضيف الدهن والتوابل والبقسماط وبياض البيض
نخلط كل المكونات كويس جدا أو نخلطهم فى الكبة علشان المكونات تختلط تماما
نشكل البرجر فى مكبس البرجر أو غطاء برطمان مثلا لو مافيش مكبس
نكبسه كويس علشان مايبقاش فيه أى فقاعات هوا 
ضروووورى مايكونش فيه فقاعات هوا
نرصه على صينية ونحطه فى الفريزر يجمد


بعد مايتجمد ممكن نجمعه فى علبة لحين الاستخدام
وممكن نضيف برغل أو فول صويا بدل البقسماط ولكن البقسماط ألذ بكتير


التسوية والتجهيز


جريل أو طاسة تيفال نحط فيها ملعقتين زيت ونسوى البرجر



ويبقى عندك برجر أحلى من المطاعم أوفر وأطعم

التقديم

عيش البرجرشرحنا طريقة عمله فى مقال المخبوزات المحشية
لمعرفة الطريقة إضغطى هنا



هانجهز الإضافات (طماطم وخس وبصل مكرمل وكاتشب ومايونيز)
البصل المكرمل عبارة عن : بصلة كبيرة متقطعة جوانح أو شرايح فى طاسة تيفال مع ملعقة صغيرة ملح وملعقة كبيرة سكر وملعقتين زيت ونقلب باستمرار لأنها بتتحرق بسرعة
هاتشكلى السندويتش زى ماتحبى 
وممكن نضيف صوص الجبنة الشيدر

لو عايزة تقدمى مايونيز بيتى 
طريقته فى الرابط دا من هنا














مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : لحوم

إرسال تعليق