-->

هانعرض فى الموضوع دا بإذن الله طريقة عمل التشيز كيك اللى ماشوفتش حد تقريبا مش بيحبها
حاجة كدا تاخدك لعالم تانى


تشيز كيك كرامل شيكولاتة

تشيز كيك فى الفرن

المقادير

بسكويت سادة زى فيرى وسنيوريتا والحاجات دى وتطحنيه فى الكبة
زبدة سايحة سخنة
3 علبة زبادى بلدى
3 كيس لبن بودرة
نصف كوب سكر أبيض
نصف كوب زيت ذرة
كيس فانيليا
2 بيضة
6 مكعب جبنة كيرى أو مثلثات أو 3 ملاعق كبير قشدة

الطريقة

الطبقة الأولى


نضع الزبدة السايحة على البسكويت المطحون ونفضل نقلبه لحد مايكون زى الرمل المبلل
قوام الرمل المبلل دا هاييجى من نسبة الزبدة المظبوطة مش من كتر التقليب
نضعها فى صينية بايريكس وندخلها فرن ساخن 5 دقائق

الطبقة الثانية

نضع الزبادى واللبن البودرة والسكر والزيت والفانيليا والبيض والجبنة فى الخلاط حتى تختلط جميع المكونات جيدا ويذوب السكر تماما
نضع الخليط على الطبقة الأولى المجهزة مسبقا
ونرجعها الفرن على درجة حرارة 180 بدون تشغيل الشواية
هانسيبها فى الفرن لحد مالطبقة تتماسك كويس بدون تغيير لونها 
بعدين هانخرجها من الفرن ونسيبها لحد ماتبرد

الطبقة الثالثة

دا على حسب الطلب 
شيكولاتة أو توفى أو جيلى

أولا : طريقة الشيكولاتة

كوب ماء
3 ملاعق كبيرة كاكاو خام أسبانى
ربع كوب سكر
2 ملعقة زبدة أو قشدة
توضع على النار مع التقليب المستمر حتى الغليان
ثم يتم إضافة كيس كريم كراميل البودر مع التقليب حتى الغليان مرة أخرى
توضع ساخنة على الطبقات السابقة وتترك لتبرد فى حرارة الغرفة أولا ثم توضع فى الثلاجة لمدة 3 ساعات على الأقل
الأفضل تبات ليلة كاملة فى الثلاجة






دى صورتها بطبقة الشيكولاتة





ودى صورتها بطبقة التوفى



لمعرفة طريقة عمل التوفى أضغطى   هنا


مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : تحلية

إرسال تعليق