-->

باونتى كيك

دى بقى لمحبى الجيرسى وجوز الهند
وكل حاجة الصراحة
هى مش هاتحرمك من حاجة




هى عبارة عن 3 طبقات

الطبقة الأولى

طبقة الكيك

ممكن أى كيك شيكولاتة تحبوه بس أنا باعتمد الطريقة الجاية دى أفضل

المقادير

  • كوب دقيق منخول
  • 2 بيضة
  • كيس فانيليا
  • ملعقة كبيرة خل
  • رشة ملح
  • ¾ كوب سكر 
  • نصف كوب حليب 
  • ربع كوب زيت
  • 2 ملعقة كبيرة كاكاو خام (يفضل الأسبانى طبعا)
  • كيس بيكينج باودر

المقادير كلها هاتكون بدرجة حرارة الغرفة


الطريقة

نقلب البيضتين والملح والفانيليا والخل بالمضرب اليدوى جيدا.
 وبعدين نضيف السكر مع استمرار الخفق.
وبعدين نضيف الحليب والزيت ونستمر بالخفق.
نضيف البيكينج باودر والكاكاو للدقيق ونخلطهم كويس.
بعدين نضيف الخليطين على بعض ونقلب كويس بالمضرب اليدوى.
نضع الخليط فى صينية سهلة الفتح ومبطنة بورق زبدة.
ندخلها فرن مسبق التسخين على درجة حرارة 180 حوالى 20 دقيقة
أو حتى تمام النضج.

الفرن يكون شغال من تحت بس بدون الشواية


الطبقة الثانية


2 كوب حليب
كوب كريمة خفق
2 كوب جوز الهند مبشور وسط
نصف كوب دقيق بسبوسة
نصف كوب سكر
كيس فانيليا

ملحوظة
فى حالة عدم وجود كريمة خفق يبقى نستخدم 3 كوب حليب
 و4 ملاعق كبيرة كريم شانتيه خام


الطريقة


نضع الحليب وكريمة الخفق على النار يسخنوا ونضيف عليهم باقى المكونات مع التقليب المستمر ونهدى النار ونفضل نقلب لحد مايتكون عندنا خليط متماسك ومتجانس 
نسيبه يهدى شوية ونوزعه على طبقة الكيك.

لازم تكون طبقة الكيك باردة تماما


الطبقة الثالثة


الشيكولاتة
نضع على النار 2 كوب حليب مع 3 ملاعق كبيرة نسكويك
مع كيس شيكولاتة صغير جالاكسى وتقلبى كويس لحد الغليان.
بعد الغليان هانضيف باكيت كريم كراميل ونقلب ونصبها على الطبقة التانية

ملحوظة 
الطبقة الثانية هاتكون باردة بس طبقة الشيكولاتة لازم تضاف ساخنة

بعد كدا هانسيبها فى الثلاجة 3 ساعات على الأقل 
وياسلام بقى لو سيبتيها ليلة كاملة

وادعولى بقى على كمية السعرات اللى باديهالكم
😈😈😈😈😈😈😈😈



كيك الجيلى إضغطى هنا
جاتوه شاتوه من هنا
سينابون من هنا
مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : تحلية

إرسال تعليق