-->


جو العزومات والشياكة فى التقديم على السفرة وطعم مميز وحاجة تشرف


طريقة عمل الفراخ المحشية فى الفرن


فراخ بيضه محشية

فرخة بيضة وزن 2 كيلو أو أقل 
يفضل الالتزام بالوزن دا علشان تستوى كويس
بعد تنظيف الفرخة وغسلها مع الحفاظ على الجلد هانحطها فى محلول النقع حوالى ساعة على مانجهز خلطة الحشو.

محلول النقع


  • ماء 
  • 4 ملعقة كبيرة سكر
  • 2 ملعقة كبيرة ملح
  • ربع كوب خل

المحلول دا ممتاز جدا فى التخلص من زفارة الطيور


خلطة الرز



  • رز مصرى عادى نغسله كويس
  • بصلة حجم متوسط نقطعها تقطيع صغير
  • هاندبل البصة فى صينية فيعا 2 ملعقة كبيرة سمن أو زبدة مع ملعقة زيت
  • لما البصلة تدبل ننزل بالرز ونضيف ملح وفلفل أسمر ورشة بسيطة جوزة الطيب
  • ماء الرز نظبطه بالمقادير العادية
  • قبل سوى الرز على طول هانرفعه من على النار ونسيبه يبرد شوية 
  • نحشى الفرخة كويس وبين الجلد والرقبة 
  • نلفها فى فويل أو كيس حرارى
  • ندخلها فرن مسبق التسخين على درجة حرارة 200 من غير مانزودها ماء
  • نختبر سواها بعد ساعة ونصف
  • لو لقيناها استوت نفك الفويل ونشغل الشواية علشان تتحمر 

الفراخ بالطريقة دى مختلفة تماما كطعم وريحة عن الفراخ المحشية فى الشوربة.
فيه ناس سألتنى إزاى الفراخ البيضاء هاتبقى حلوة بالطريقة دى لأن الفراخ البلدى هى اللى الناس بتحشيها
بس بجد جربوها وامشوا على الطريقة بالظبط وهاتدعولى .




\

لطريقة عمل الفراخ المشوية فى الفرن من هنا

مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : دجاج