طريقة عمل البسبوسة المرملة اللذيذة
المقادير
٥٠٠جرام دقيق سميد(٣كوب)
٥٠ جرام جوز هند ناعم (كوب)
١٢٥ جرام لبن ساخن(كوب إلا ربع)
١٥٠ جرام سمنة بلدى سخنة(كوب إلا ربع)
١٠٠ جرام سكر(نص كوب)
١٥٠ جرام عسل جلوكوز(كوب إلا ربع)
الطريقة
نضيف السكر وعسل الجلوكوز وتقلبهم مع بعض
نضيف السمنة ولازم تكون سخنة جدا ونقلب كويس هنلاقى الخليط بدأ يفك
هتضيف اللبن الساخن على الخليط ونقلب كويس
بعد كده نضيف جوز الهند ونقلب بالمضرب اليدوى
أضيف السميد واقلب الخليط بملعقة خشبية ( نقلب من غير ما نعجن)
نجيب صينيه مقاس ٣٠ ندهنها سمنه بدرجة حرارة الغرفة واوزع الخليط
أبل إيدى مايه دافيه واساوى وش الصينية
نحط مكسرات على الوش
نسويها فى فرن مسبق التسخين على ١٨٠ لغاية ما تخمر من الجوانب اطفى الفرن واولع الشواية تاخد لون من على الوش
أول ما نطلعها من الفرن نسقيها بالشربات السخن
مقادير الشربات
٢ كوب ماء
٢ كوب سكر
معلقتين كبار عسل جلوكوز
عصرة نص ليمونة
ملاحظات
مهم جدا منعجنش البسبوسة
الشربات سخن و البسبوسة سخنة
نضيف السمنة وهى سخنه جدا
لازم نغلى اللبن قبل ما نضيفه بحيث نستعمل وهو سخن جدا
بنعرف إن الشربات كفاية لما نختبرها بصوباعنا كده نلاقى طلع حبة شربات
عسل الجلوكوز فى البسبوسة بيخليها حلوه جدا
بندهن ارضية الصينية سمن بلدى بدرجة حرارة الغرفة أو طحينه
جربوها هتعجبكم
بألف هنا
جربوها هتعجبكم
بألف هنا
 ٥٠ جرام جوز هند ناعم (كوب) ١٢٥ جرام لبن ساخن(كوب إلا ...){kind=link}
تسلم ايدك ❤️
ردحذفتسلمى يارب
حذف