-->

دى بيتزا ولا فطير شرقى ولا جلاش محشى ؟
ماتعرفيش 
المهم إنها تجربة مميزة وممتعة ماكنتش مصدقة نتيجتها

فطير شرقى بالجلاش


دى طريقة مختلفة للجلاش طعمها عامل ميكس كده من الجلاش و الفطير الشرقى بجد طعمه رائع وسهل جدا وسريع ومبياخدش وقت وطبعا كلنا محتاجين تغير

المكونات

نصف كيلو جلاش .
قشطة سايحة أو سمن سايح وعلبة زبادى .

الحشو

أنا هاستخدم سوسيس وفلفل اخضر و زيتون مخلى وجبن 
وعملت ميكس مكون من  (موتزريلا _رومى مبشور _مشللة _شيدر مبشور)
 تستخدمى أى جبن عندك والحشو اللى بتحبيه فى الفطاير الشرقى أو البيتزا

الطريقة

نجيب صنية مدورة مقاس ٣٠
ندهن الصنيه سمن ونرص الجلاش
وندهن قشطة سايحة أو خليط السمن و الزبادى
 كل ٣ طبقات ندهن طبقة خفيفة جدا علشان ميكونش دسم بزيادة
نخلص كمية الجلاش كلها



 ونحط نص الحشو ونقفل الصينية بالشكل ده زى مانا عامله ونرص باقى الحشو على الوش 



وندخلها فرن مسبق التسخين على درجة حرارة١٨٠ لغاية ما تاخد لون من تحت ومن الجوانب 
ونولع الشواية علشان الجبنة تسيح وتاخد لون حلوعلى الوش
وبألف هنا














مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : معجنات

إرسال تعليق