-->

المكونات

نصف كيلو لحم متقطع مكعبات
2 بصلة كبيرة متقطعين تقطيع صغير
5 فص توم متقطع شرائح
نصف كيلو مكرونة صغيرة أو مرمرية

كوب  عصير طماطم أو طماطم بيورية +٢ معلقة كبيرة صلصة جاهزة


(ملح_فلفل أسود _نص معلقة صغيرة كركم _نص معلقة صغيرة ببريكا)
(ورق لورى _قرفة عيدان _٤حبهان _٤قرنفل)

الطريقة


  1. نضع فى حلة استانلس معلقتين سمن ونسيبه يسخن كويس جدا ونبدأ نضيف مكعبات اللحمة قطعة قطعة نحمرها كويس من كل الجهات
  2. بعد ما تتحمر كويس نضيف البصل والثوم ونقلبهم لغاية ما يتحمروا كويس
  3. بعد كده نضيف مايه سخنة ونغطى عليها لغاية ما اللحمة تستوى
  4. دلوقتى نضيف كوباية عصير طماطم بس بنضربها فى الخلاط من غير مايه
  5. نضيف معلقتين كبار صلصة جاهزة
  6. نضيف كل التوابل ونغطى الحلة ونسيب الصلصة تاخد غلوتين مع اللحمة و الشوربة
  7. نضيف المكرونة  , ولو الشوربة مش مغطية المكرونة كويس نضيف ماية سخنة علشان تكون فيها صوص لو كده 
  8. نغطى ونسيب المكرونة تستوى بتاخد حوالى ٢٠ دقيقة بس ناخد بالنا كل شوبة نقلب كويس علشان ما تلزقش فى ارضية الحلة ونضيف شطة
  9. بتتاكل وهى سخنة بتكون أجمل بكتير من الباردة فنعمل كمية على حسب الأفراد اللى هياكلوا

بجد حلوة جدا

بألف هنا


الطريقة على يوتيوب


للمشاهدة على الصفحة


مطبخ سمسم
كاتب المقالة
كاتب ومحرر اخبار اعمل في موقع مطبخ سمسم .

جديد قسم : أصناف أخرى

إرسال تعليق